खांब नाक्यावर वडापावच्या दुकानात ट्रक पलटी; सुदैवाने ग्राहक बचावले

मुंबई-गोवा महामार्गावर अपघातांची मालिका सुरूच 

खांब नाक्यावर वडापावच्या दुकानात ट्रक पलटी; सुदैवाने ग्राहक बचावले

विश्वास निकम

           गोवे-कोलाड : गेली अनेक वर्षे मुंबई-गोवा महामार्गाचे काम रखडले आहे. मार्ग कधी होईल याची शाश्वती नाही मात्र दररोज अपघातांची मालिका सुरूच आहे. मागील आठवड्यात नागोठणे-कोलाड दरम्यान अपघात घडले यात काहींचा मृत्यू झाला. कोलाड नजीक अपघातात एक तरुणाचा अंत झाला त्यापाठोपाठ आज २२ नोव्हेंबर रोजी दुपारच्या सुमारास कोलाडकडून मुंबईकडे केमिकल ड्रम भरलेला ट्रक चक्क वडापावच्या दुकानात घुसल्याने संपूर्ण खांब नाका हादरला आणि एकच धावाधाव व पळापळ झाली. वडापाव दुकानात बसलेल्या नागरिकांचे दैव बलवत्तर म्हणून दुकानदार मालक व गिऱ्हाईक बचावले.

       कोलाडकडून नागोठणे मुंबईकडे केमिकलचे ड्रम भरून जाणारा मालवाहू ट्रक क्र. केए २५ डी ४१९२ हा खांब येथील नामवंत असलेले व्यवसायिक मंगेश पोटफोडे यांच्या वडपाच्या दुकान घुसला परंतु सुदैने कोणतीही जीवितहानी या अपघातात घडली नाही. सुदैवाने चालक व दुकानातील ग्राहक बचावले या घटनेची सर्वत्र एकच खळबळ उडाली असून सदरच्या अपघातात वडापाव दुकानाचे खूप मोठे नुकसान झाले आहे. सदरच्या घटनेची माहिती मिळताच कोलाड पोलीस ठाण्याचे साहाय्यक पोलीस निरीक्षक सुभाष जाधव यांच्या मार्गदर्शनाखाली पोलीस कॉन्स्टेबल राऊळ, आशिष पाटील, अशोक म्हात्रे, नित्यानंद पवार, समीर कोकाटे, प्रसाद पाटील, ट्रॅफिक हवालदार चेअरकर क्षणाचाही विलंब न लावता घटनास्थळी दाखल होऊन अपघाताच्या घटनेची पहाणी केली व याबत अधिक तपास करत आहेत.

ADVT.